Charlie Silverwood nia liman tohar tamba Ronaldo

Charlie Silverwood (24/07/2013)

Labarik ida ho tinan 11, tenkiser hetan kurtigu iha Hospital tamba nia  liman tohar, tamba impaktu husi marka livre nebe mak Ronaldo halo bainhira hasoru Klub Amatir ida husi Inglaterra. Mas depois de joga Ronaldo mos husu deskulpa.

Historia lolos nee akontece bainhira Real Madrid hasoru klub kiik ida naran Bournemouth (Dominggo 21/7/2013) hanesan suporta nia klub labarik nee mos mai asisti joga ida nee.

Bainhira joga foin too minuto 10, Real Madrid hetan marka livre, husi distancia 35 yard. Depois Ronaldo ramata bola sai dook husi redi no bola nebe tiru ho makas, konsege kona labarik nee.

Labarik oan naran Charlie Silverwood nia liman naksalak ituan bainhira bola kona, mas nia kontinua asisti joga too ramata. Bainhira ba Hospital, hasai raisis(X-Ray) hatudu labarik nia liman naksalak duni no iha balu nebe ho tohar kaman.

Mas hakfodak, bainhira jornalista ba intrevista labarik nee, labarik nee dehan "hau senti kontente tamba hau liman tohar"  labarik nee dehan tan, hanesan citado husi Sky News " nee diak liu do que, hanesan hau nia apa nebe monu tamba sae ai.

Madrid nebe hatene konaba insidente ida nee, prepara bola no jersey nebe asina tena husi jogador Real Madrid tomak inklui Cristiano Ronaldo rasik..//LZ