Surat ba Maromak

Labarik kiik oan ida hakarak hetan osan 100 dollar no reza ba maromak too semana rua mas laiha buat ida akontece.
Pois nia disidi atu hakerek surat deit ba maromak para hetan 100 dollar. No nia fo ba ema post nee para lori surat ida nee. Wainhira Post nee hare surat nee hodi ba maromak,  post nee disidi para lori deit surat nee ba palacio Presidente.
Bainhira Presidente lee surat ida nee, Presidente hanoin latoo no senti triste. Presidente haruka nia sekretaris para tau deit osan 5 dollar iha envelope no haruka ba labarik nee.
Presidente hanoin, labarik nee horsida  senti kontente tamba 5 dollar nee osan boot onas mak nee.
Labarik nee kontente duni bainhira nia loke envelope no hetan osan 5 dollar. Labarik hanoin 5 dollar nee maromak mak haruka mai liu husi palacio presidente. No nia hakerek tan surat ba maromak atu fo obrigado ba 5 dollar nee.

Aman Maromak :
Hau husu agradece ba aman maromak tamba haruka tena  osan 5 dollar mai hau, mas maromak loron seluk haruka osan mai karik mai los deit hau, labele liu husi palacio presidente tamba osan ida maromak haruka mai nee palerma sira  kua tia 95 dollar hela  5 dollar deit.