Timor Leste : Nacao foun iha mundo moderno

Timor Leste hanesan nacao foun nebe independencia durante tinan sanolu ona, Manan Referendum ho votos Convencido ba independencia iha 1999 mas declara nia independencia oficialmenete 20 de maio 2002. Timor Leste nebe agora iha prosesu desenvolvimento, hetan desafiu oin-oin iha nia prosesu ida nee.  Hanesan nacao foun Timor Leste laos nacao nebe moris mai riku kedas. Parece Timor Leste iha Riqueza oin-oin iha rai isin nebe sidauk kee ou mina balu iha rai okos mak sidauk bor tamba nee mak Timor Leste sai nacao kiak ida nee lahatene los. Mas Tuir Rendimento Nacional (GDP$11.23 bilhoes 2012) sei ita sukat husi ida nee mak Timor Leste sai nacao mais kiak iha mundo (poorest Country).

 Mas problema agora oinsa Timor Leste halai sai husi kiak. Timor Leste iha Riqueza nebe ita hare agora nacao no povo goza hela dadauk hanesan Mina iha tasi Timor nebe osan balu husi ida nee sai subsidio ba Saude ba escola no seluk-seluk tan, atu colega sira hatene ita nia rendimento 90 % mai husi mina iha Tasi Timor, nebe lolos nee laos 100%  Rendimento Timor Leste mak goza mas ita tenki fahe mos ho nacao colega Australia. Ita tenki fahe ho australia baseia ba Asina akordu entre Premeiro Ministro Autralia Jhon Howard no Ex. Primeiro Ministro Mari Alkatiri iha 2002. No nia valido ate tinan 30 oin mai komeca husi data asina akordu. Timor leste hetan 90 % no Australia hetan 10 %. 

Timor Leste mos agora halo ona proposta para hetan deve (debt) husi Instituicao Hnesan IBRD no IDA no Japao.  Iha April 2013 IBRD no IDA  fo deve hamutuk $58.62 milhoes ba projeto 9. No husi Japao, bainhira PM Xanana halao nia visita  iha Tokyo Jepang, Jepang aceita para fo deve hamutuk 5.27 Bilhoes Yen ( Troka ba dollar $ 63 milhoes iha 2012) ba Timor. Hases husi deve nee sei fo impaktu negativo ga positivo ba Timor, realidade nacao barak desenvolve nia nacao husi deve, no sai nacao avancado mos husi deve. Ezemplo mak Australia, Belgium, Japao, korea do Sul, no Estados Unidos Amerika(USA) rasik. Mas nacao barak mos kontinua  kiak mesmo sira deve hanesan Indonesia, Myanmar, Laos, No nacao sira iha Afrika Sub Sahara no seluk-seluk tan. Mas ita hare Took Timor nia Deve nebe nacao hulan iha kabas, Timor sei monu ba riku ga monu ba kiak, ita hare deit saida mak ita nian lideranca halo ba povo Timor nia prosperidade nee depende ba politica no strategia nebe implementa. 

 by Luizinho Pinto

 Referensia :
1. https://www.cia.gov/library/publications/the-world-factbook/geos/tt.html
2. http://www.worldbank.org/en/country/timor-leste/overview
3. http://www.laohamutuk.org/econ/debt/12Borrowing.htm